लेखणीतून समाजभान जपणारे निर्भीड पत्रकार : दीपक एस. मठपती यांचा गौरवशाली प्रवास,

*लेखणीतून समाजभान जपणारे निर्भीड पत्रकार : दीपक एस. मठपती यांचा गौरवशाली प्रवास,
प्रतिनिधी ​नांदेड: “पत्रकारिता हा केवळ व्यवसाय नसून ती सत्याप्रती असलेली निष्ठा आहे,” हे ब्रीदवाक्य सार्थ ठरवत नांदेडमधील ज्येष्ठ पत्रकार दीपक एस. मठपती यांनी आपल्या लेखणीच्या माध्यमातून समाजात एक आदर्श निर्माण केला आहे. शोध आणि बोध अशी दुहेरी मांडणी करत, अंधाराकडून प्रकाशाकडे नेणारी पत्रकारिता हेच त्यांच्या कार्याचे मुख्य वैशिष्ट्य राहिले आहे.
​२००३ पासूनचा संघर्षमयी प्रवास
​दीपक मठपती यांच्या पत्रकारितेची सुरुवात सन २००३ मध्ये महाविद्यालयीन प्रतिनिधी म्हणून झाली. प्रतिकूल कौटुंबिक परिस्थिती असतानाही त्यांनी पत्रकारितेची ओढ कायम ठेवली. दैनिक आनंद नगरी, उद्याचा मराठवाडा, सा. पोलीस संघर्ष, सा. शिववार्ता आणि समाज साधना अशा विविध प्रिंट मीडियामध्ये काम करून त्यांनी अनुभव समृद्ध केला. आज ते पूर्णवेळ पत्रकारितेत असून डिजिटल मीडियाच्या दिशेने त्यांची यशस्वी वाटचाल सुरू आहे.
​पुरस्कारांच्या रूपाने कार्याची पावती
​त्यांच्या निर्भीड लेखणीची आणि सामाजिक कार्याची दखल घेत त्यांना अनेक मानाच्या पुरस्कारांनी गौरवण्यात आले आहे:
​राज्यस्तरीय प्रेरणादायी दीप उत्कृष्ट पत्रकारिता पुरस्कार.
​दैनिक युवा राज्य परिवर्तर्फे ‘युवा पत्रकार पुरस्कार’.
​पत्रकारितेसोबतच ‘संवेदनशील कवी’ आणि ‘लेखक’
​मठपती हे केवळ बातम्या देणारे पत्रकार नसून एक संवेदनशील कवी आणि लेखकही आहेत. “कविता ही काळजातून आणि संघर्षातून निर्माण होणारी दैवी शक्ती आहे,” असे मानून त्यांनी आपल्या साहित्यातून मानवी भावनांचे पदर उलगडले आहेत.
​सामाजिक बांधिलकी आणि दातृत्व
​केवळ शब्दांतूनच नव्हे, तर प्रत्यक्ष कृतीतून त्यांनी सामाजिक भान जपले आहे:
​जीवनदान: १० वेळा रक्तदान करून त्यांनी अनेकांचे प्राण वाचवले आहेत, ज्याची दखल खा. रवींद्र चव्हाण यांनीही घेतली आहे.
​देहदान: समाजाप्रति आपली जबाबदारी ओळखून त्यांनी मृत्यू पश्चात देहदानाचे संमती पत्र दिले आहे.
​सेवाकार्य: खडकूत येथे साप्ताहिक ‘गौ सेवा’, हुजूर साहेब गुरुद्वारामध्ये ‘लंगर सेवा’ आणि अनाथ आश्रमात ‘मायची उब’ (ब्लॅंकेट वाटप) अशा उपक्रमांत त्यांचा सक्रिय सहभाग असतो.
​पर्यावरण व शिक्षण: वृक्षारोपण आणि ‘बुक बँक’च्या माध्यमातून दर्जेदार पुस्तके उपलब्ध करून देण्याचे कार्य ते सातत्याने करत आहेत.
​भूषवलेली पदे
​त्यांच्या कामाच्या व्यापामुळे त्यांनी विविध संघटनांमध्ये महत्त्वाची पदे भूषवली आहेत:
​माजी जिल्हा अध्यक्ष: पुरोगामी पत्रकार संघ इंडिया, नांदेड.
​माजी जिल्हा प्रसिद्धी प्रमुख: व्हॉइस ऑफ मीडिया.
​जिल्हा उपाध्यक्ष: माहिती अधिकार समिती (RTI), नांदेड.
​”पत्रकार हा समाजाचा आरसा असतो आणि दीपक मठपती यांनी आपल्या लेखणीतून समाजातील सत्य प्रतिबिंब प्रामाणिकपणे मांडण्याचे काम केले आहे.”
— अँड. श्याम सुंदर धर्माधिकारी (MA, LLM.DCL)